مصطفى قمر: «يا طبطب وادلع» كانت أغنيتى

احتفل راديو إنرجي 92.1، بالفنان مصطفى قمر والذي كان نجم شهر مايو، وذلك في حلقة اليوم الثلاثاء مع سلمى قاسم، حيث كشف على مدار ساعتين العديد من كواليس أعماله.

وأعلن “قمر” عن تحضيره عددًا من الأغاني الفترة القادمة، قائلاً: "في أغنية سينجل سيتم طرحها في الصيف باسم (وصلولوه إنه غايب)، بجانب المزيد من الأغاني الجاري التحضير لها والتي ستطرح على طريقة الفيديو كليب".

وكشف مصطفى قمر تفاصيل أزمة برنامجه "5 نجوم"، قائلاً: "بعض الأمور وصلت للمحكمة الآن والدعاية ماعجبتنيش ولازم أخد حقي ويكون في اعتذار عن اللي حصل بخصوص الدعاية، وسأقدم كل الأوراق التي تثبت حقي".

وعن السينما وآخر أفلامه "فين قلبي"، قال إن الفيلم تعرض للظلم، متابعًا: "أنا قدمت اللي أنا عايزه والفيلم أتعب فيه جامد وحالياً سيتم عرضه في أكثر من قناة".

وقال مصطفى قمر إنه كان من المقرر له أن يشارك في السباق الرمضاني الماضي ولكن بسبب تأجيل التصوير والتأخير في بدء التحضير الجيد للمسلسل تم تأجيله وتغيير فكرته.

وتابع حديثه عن الأعمال الغنائية التي قدمها ومنها أغنية "زحمة الأيام"، قائلًا: "بعتبرها اتعملت لتكريم الشاعر سامح العجمي والملحن أشرف سالم اللي اتوفوا وإحنا شغالين على الأغنية، وكنت متأثر جدا وإحنا بنصورها، الجمهور كان في حاجة إلى هذا التعاون".

وخلال الحلقة عرضت سلمى عددًا من الأسئلة على مصطفى قمر، بعنوان "لو كنت"، في هذا المنصب أو الموقف كيف سيكون قراره، وهنا قال قمر: "لو كنت نقيب المهن الموسيقية كنت هراجع على الكلام الخاص في بعض الأغاني، لكن المزيكا ماكنتش هتدخل فيها، مفيش نوتة قليلة الأدب، ولو كنت منتج هقدم أغنية تجمع كريم قمر ونور النبوي، ولو هنتج كليب كتير إني أحط ميزانية 3 أو 4 مليون ولكن لو في رعاة ممكن أعمل كده وأحاول أرجع الفلوس دي عن طريق المشاهدات".

وأكمل: "لو كنت أغنى واحد في العالم هساعد الناس اللي في المجاعات، والحيوانات هيكون ليها نصيب من المساعدات".

وقال نجم شهر مايو مصطفى قمر: "أغنية (يا طبطب يا ادلع) اتعرضت عليا بس قولت لأيمن بهجت قمر وطارق مدكور يدوها لنانسي عجرم، حسيت إنها لايقة عليها وفعلا كسرت الدنيا معاها".

وأكمل حديثه: "هنقول إحنا لسة حبايب" خدتها من عمرو مصطفى وبعدها قالي إن عمرو دياب عايز يغنيها فقولتله ياخدها بس لو مش هيقدمها هاخدها تاني.. وعمرو دياب غناها فعلا مرة في حفلة ومحسهاش".

وعن السوشيال ميديا ومطربي الراب، قال مصطفى قمر: “مش دايما بتابع السوشيال ميديا.. حاجات كتير مبتعجبنيش لأنها بتبقى متحررة اوي، وأحيانًا كتيرة مش بتعجبني فيديوهات التيك توك”.

وبتعليقه على أغاني الراب، قال: "ويجز ومروان بابلو والناس دي عاملين شغل كويس لكن الموضوع اتطور وبقى في شتيمة في الأغاني ودي حاجة مش مقبولة ومش مفهومة بالنسبة لي.. الفن ألذ من كده بكتير".