بسبب الزعل.. البلوجر خالد جواد يتعرض لـ وعكة صحية

بسبب الزعل.. البلوجر خالد جواد يتعرض لـ وعكة صحية ... حذر البلوجر خالد جواد، متابعيه من أضرار الزعل، وذلك بعدما تعرض لوعكة صحية بسبب نومه وهو حزين، ليفاجأ عندما استيقظ بتوقف الجانب الأيسر من وجهه بسبب تعطل كلي للعصب الحسي.

 

البلوجر خالد جواد يتعرض لوعكة صحية

 

وقال البلوجر خلال منشور على حسابه الرسمي بموقع التواصل الاجتماعي فيسبوك: من 10 أيام حصل مشكلة كده وزعلت جدا واتضايقت، ونمت وأنا حقيقي تعبان من الزعل، من فضل ربنا إني صحيت تاني يوم الصبح الحمد لله، بس صحيت نص وشي واقف تماما الجانب الأيسر بما فيهم العين، وده اتسبب في إن عيني مبتقفلش ولا بتفتح، وده ناتج عن تعطيل كلي في العصب الحسي والتهاب حاد في عصب المخ المسؤول عن تحريك أعصاب الوجه، والأطباء نصحوني بتغطية العين، لأن قرنية العين بتضعف.

وأضاف: أنا الحمد لله كويس جدًا، وده ابتلاء من الله سبحانه وتعالى عشان يفوقني ويقولي ركز في امتحانك شوية، ابتلاء وبياخد وقته مع العلاج والتمارين، والحمد لله أنا راضي جدًا من اللي حصل كدرس أتعلم منه عدم الزعل.

ونصح البلوجر متابعيه قائلًا: بفكركم وبفكر نفسي.. إن كل واحد ليه امتحانه في الدنيا.. ركز في امتحانك وافرح لنجاحاتك وخطط للحظات وقوعك واتعلم منها وعدي بيها، ملكش دعوة بامتحان غيرك، متزعلش من حد ولاعلى حد ولا حتى تزعل من أو على نفسك، اتبسط واحمد ربنا واشتغل واعمل خير وبر والديك ما استطعت واسعى فى الدنيا بالخير.

البلوجر خالد جواد

وأوضح: أهم قواعد الرضا وعدم الاكتئاب، هو إنك تسامح وتسامح من قلبك لأن الزعل يعطي الشعور بالقلق أو التململ أو العصبية، البطء في التفكير أو التحدث أو تعطل حركات الجسم، الشعور بانعدام القيمة الذاتية أو الذنب أو تركيز التفكير على الإخفاقات السابقة أو إلقاء اللوم على النفس لأشياء خارجة عن إرادتك.

والجدير بالذكر أن خالد جواد، هو ممثل وكاتب وبلوجر وانفلونسر مصري، مثل العديد من الأدوار في المسلسلات والأفلام المصرية، كما يقدم فقرات بالراديو بجانب تصوير وعمل محتوى كوميدي على منصات وسائل التواصل الأجتماعى للترفيه.