فيديو.. عمرو مصطفى يوجه رسالة تهديد صادمة لمطرب شهير
وجه عمرو مصطفى رسالة صادمة وشديدة اللهجة إلى مطرب شهير لكنه لم يسمه، حيث كتب عمرو على حسابه في فيسبوك قائلا: 'هو أنا أترككم تتعدوا بشكل غير قانوني على ألحاني يعني، لحن تم غناؤه في برنامج على الهواء، أخدته وعملت منه أغنية، وصورتها، وفي الآخر طالع تقول عليا نرجسي، نحن في زمن يصدق فيه الكاذب ويكذب فيه الأمين' .
عمرو مصطفى يهدد فنانا شهيرا
وأضاف: 'أقسم بالله لو شوفتك في أي مكان إنت وأشكالك لن تجدوا مني غير نظرة احتقار، وأوعى تجري تسلم عليا زي ما عملت قبل كدا، علشان ههزقك، وأوعي تجيب اسمي تاني في مكان علشان هقاضيك، إنت وكل اللي شبهك، من مطربي الدرجة الخامسة، زمن الرويبضة'.
يشار إلى الفنان رامي جمال علق على تصريحات الفنان والملحن عمرو مصطفى مؤخرا، بشأن الاتهامات التي وجهها إلى زملائه، بأنهم يسرقون ألحانه.
وقال رامي جمال، أثناء لقائه ببرنامج «حبر سري»، مع الإعلامية أسما إبراهيم: «أنا المبدع مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة.. غير كدا مكانش هيبقى قاعد يتكلم إنه ملحن شاطر».
وأضاف رامي جمال: «في الحقيقة في نوع من النرجسية، أنا مش بحبه.. وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين كدا مزعلتوش منك، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبّر بعض أحسن».
وأنهى رامي جمال قائلا:«أنا عارف إن عمرو أطيب من الطيابة، لكن الناس العادية بتشوف مشاكلنا.. ليه نصدّر لهم إننا مش بنحب بعض بالشكل دا؟!».
