فتاة تدافع عن نفسها بـ"شفرة حلاقة" من التحرش في الإسكندرية

فتاة تدافع عن نفسها بـ"شفرة حلاقة" من التحرش في الإسكندرية... ضجت مواقع التواصل الاجتماعي بواقعة تحرش في محافظة الإسكندرية، بعد أن روت إحدى الفتيات تفاصيل تعرضها للتحرش على يد شاب في المواصلات، عبر منشور لها على موقع التواصل الاجتماعي فيسبوك.

تفاصيل تعرض فتاة للتحرش

وروت رويدا قدري، البالغة من العمر 19 عامًا، طالبة بكلية الهندسة ببرج العرب في الإسكندرية، تفاصيل الواقعة، في حوارها لـ القاهرة 24، مشيرة إلى أنها كانت في طريقها للكلية الأسبوع الماضي، قائلة: كنت رايحة الكلية الساعة 8 ونص الصبح يوم الإثنين اللي فات، وجيت اركب الميكروباص من الموقف ومكنش فيه مكان غير الكنبة اللي ورا.

المتحرش

وأضافت رويدا: بعد ما ركبت العربية قعد جنبي شخص في الثلاثينات من عمره، وكنت أنا جنب الشباك وهو جنبي من الناحية الثانية، لزق فيا جامد وطلبت منه يبعد لأني مكنتش عارفة أقعد كويس وبالفعل بعد عني شوية، لكن رجع استغل إني مشغولة في التليفوني وكنت وقتها بكلم والدتي، وفجأة لقيته جه جنبي تاني بشكل غريب، وحذرته أكتر من مرة، لكنه لم يستجب.

وتابعت: تفاجأت إنه كتبلي رقم تليفونه على الموبايل بتاعه، وبيوريه ليا، وكان كل شوية ييجي ناحيتي، وقتها حسيت إنه فيه حاجة غلط وإن دا متحرش.

رقم المتحرش

واستكملت رويدا: اضطريت أصوره، وبعدين طلعت شفرة الحلاقة بتاعتي من شنطي، وعورته في دراعه، وطلبت منه إنه ينزل من العربية قبل ما أفضحه وأبلغ عنه الشرطة.

شفرة فلامنجو

وأشارت رويدا إلى أن أهلها شجعوها بعدما علموا بتصرفها تجاه المتحرش، مشيرة إلى أن والدها كان يرغب في إبلاغ الشرطة وتحرير محضر، ولكنها أبلغته بأنها أخذت حقها من المتحرش والموضوع انتهى.

وتابعت: أتمنى كل البنات تاخد بالها من نفسها، وتكون شجاعة وتاخد حقها، ولو معرفتش تعمل زيي تنادي بصوت عالي على أي حد في الشارع أو المواصلات، مختتمة: أنا عارفة إن في ناس كتير ممكن تقول للبنت معلش وحصل خير، لكن لأ علي صوتك ومش تسكتي، فيه بنات كتير بتتعرض للأذى النفسي بسبب سكوتها وممكن ينفجروا من العياط، ودا بالفعل حصل مع أكتر من صديقه لي.