التونسية رانيا التومي تعلق على تقديمها النشرة الإخبارية ببدلة رقص
علقت الإعلامية التونسية رانيا التومي، على تقديمها النشرة الإخبارية في برنامج ديما لاباس على شاشة قناة التاسعة التونسية ببدلة الرقص والطبلة.
وقالت رانيا التومي: أنا عمري ما تعمدت أركب التريند، فيه ناس كده ربنا بيديها قبول وربنا بيديها حاجة لما تكون موجودة في أي مكان كل الناس بتجري وتتكلم عليها، أول ما عملت النشرة الجوية كنت بكتب وبعمل الأفكار بنفسي وكل حاجة كانت لايف وأول تجربة إعلامية ليا.
رانيا التومي ببدلة الرقص
وتابعت رانيا: قولت مش عايزة أعمل زي المذيعين التانيين ومش عايزة أبقى كلاسيك وعايزة أكون مميزة لنفسي؛ لأني بحب الشغلانة جدًا وبعملها بشغف ومهمنيش، بس هو ده اللي بحبه وقولت لازم أكون مختلفة وعايزة الناس لما تتفرج تتفرج على حاجة حلوة، أنا قولت ألمس فئات معينة.
أما عن مشاركتها في مسلسل سره الباتع مع المخرج خالد يوسف للمنافسة به في رمضان 2023، أضافت رانيا التومي: خالد يوسف هو اللي رشحني كلموني المساعدين ومصدقتش في الأول، بعدين طلع بجد ومكنتش مصدقة، قولت يا رانيا لازم تفكري، مبحبش استبق الاحداث فلو جيت مصر لازم أكون مسئولة على نفسي وعلى شغلي لو انا مش قد ده مروحش، ده التحدي الكبير بالنسبة لي، اتواصلت مع خالد يوسف، كنت مخضوضة وخايفة مكونش قد المسئولية دي وقالي فيه ورش لازم أخدها عشان اللي كنتي فيه حاجة وده حاجة تانية ودوري صعب ومركب جدًا.
