شيرين عبد الوهاب: ”أنا لسه بخضع لعلاج نفسي” (فيديو)

قالت شيرين عبد الوهاب خلال مداخلتها مع الاعلامي عمرو اديب فى برنامج الحكاية انا سعيده جدا وانا زي البومب وكويسه جدا ولسه بخضع لعلاجي النفسي لكني انا كويسه جدا , انا بشكر جمهوري جدا على تعبكم معايا وعمري ما هخزلكم ابدا .

وقد كشفت شيرين في 20 يوليو الماضي، تفاصيل تعرضها للاستغلال المادي من طليقها الفنان حسام حبيب، ووجهت له العديد من الاتهامات بينها استيلائه على السيارة دون وجه حق.

فيما قالت شيرين "أثناء وجودي فى الساحل تلقيت اتصالًا هاتفيا يفيد بسرقة سيارتي المكتوبة باسم حسام، اللي أنا كنت بكذب عشانه، أقسم بالله العظيم حسام حبيب خسرني أخويا وأمي وكل الناس، لدرجة أنه أوهمني بإن الدنيا تآمرت علينا أننا منبقاش مع بعض".

وتابعت: "حسام حبيب كان دائمًا ينكد علي، وعندما حلقت شعري كان بعد طلاقي البائن، ولكني كنت بحبه وكنت فاكراه ابني وليس زوجي، وعملت له ستديو اشتريت له أغاني بفلوسي، ثم فوجئت به يصفني بالتخينة بخلاف الضرب والسحل على الأرض والشتيمة بأبشع الألفاظ".

أكملت: "كنت بروح أدي الفلوس لأهل بيته، بدي الفلوس لوالدته وأخته وعندي شهادة من بنوك معينة بكده، الكلام ده بيحصل على مدار 3 سنوات، الفلوس بتاعتي كانت بتدخل بيتهم مصاريف لوالدته وأخته، حتى الشقة اللي قاعدين فيها دلوقتي، أنا دافعة فلوسها لآخر السنة، حسام ماخدش فلوس في إيده، بس عشان أنا بنت أصول كنت بدي حقة لأمه أمال أمه كانت هتعيش منين".