عفاف شعيب: مشهد تعاطي الترامادول في الكيف قصة حقيقية لوالدة مذيع كبير

أكدت الفنانة عفاف شعيب، أنها لم تندم على تقديمها دور الأم التي تتعاطى ترامادول في مسلسل الكيف، بعد الانتقادات التي تعرضت لها.

وقالت عفاف شعيب خلال لقائها ببرنامج واحد من الناس على شاشة الحياة: المشهد عمل تريند والناس بعتت لي وعاجبهم وما زعلتش لأني اندمجت في المشهد، وحبيت الدور لأنه قصة حقيقية لوالدة مذيع كبير، فقال لي صوري دي قصة حياة أمي بالظبط مرت بظروف صعبة والشغالة قالت لها خدي ترامادول وولادها اكتشفوا وودوها مصحة، ولكنها لما رجعت ما بطلتش.

تعرضها للسحر:

من ناحية أخرى، صرحت الفنانة عفاف شعيب، بأنها تعرضت للعديد من السحر، مشيرة إلى أنها لم تتأثر بها لأنها تداوم على قراءة آية الكرسي، بالإضافة إلى مجموعة من الأذكار.

وأضافت: حصل زمان اتعملي سحر كتير أوي، وكانت أمي الله يرحمها تقولي خليكي على طول يا بنتي اقرأي آية الكرسي، لأنها بتمنع أي حاجة، ولما قابلت الشيخ محمد متولي الشعراوي، قال لي خلي دايمًا لسانك عامر بذكر الله وإوعي تسكتي، ومش عايزة أقول مين اللي عملت السحر، ولكن السحر انقلب على الساحر، وفيه ناس عملوا لي سحر من جوا الوسط الفني وناس من برا الوسط، وأنا بحس إني مسحورة وبشوف رؤى وأنا نايمة، لأن ليا ورِد كل يوم، ومن لا ورِد له لا وارد له.

وأنهت عفاف شعيب حديثها موجهة رسالة إلى الجمهور قائلة: لما بيكون ليك ورِد وكل يوم مع ربنا، ربنا بيكشف الحجب، ولس بين العبد وربنا ترجمان أو حجاب، وتلاقي كل حاجة ربنا كشفها، والأعمال كانت بتتعمل علشان مشتغلش وإني أبقى قاعدة في البيت على طول، ومكتئبة، وأبقى موجوعة على طول.