عمرو أديب: خايف لما أموت يتعمل عليا حفلة.. خلوا عندكم رحمة

علق الإعلامي عمرو أديب، على بعض التساؤلات المطروحة والمنتشرة على مواقع التواصل الاجتماعي بشأن علاقة الفنان الراحل هشام سليم بأسرته وإخوته.

علاقة هشام سليم بعائلته

وقال عمرو أديب خلال برنامج “الحكاية” المذاع علي قناة “mbc مصر”: "هو احنا ليه مبقناش نعرف نسيب الناس تموت في سلام؟ السنتين التلاتة اللى فاتوا مش فاكر اننا سيبنا واحد يموت في حاله، احنا مبنسيبش حد يموت في سلام، قولوا الله يرحمه ونقطة، انتوا جرالكم ايه يا جماعة وبقيتوا متوحشين ليه كد؟.. هشام سليم توفى وسط أهله ومشاكله كلها مع اخواته اتحلت بس ده يفرق معاكم في ايه؟ ليه بقينا نعمل كده في بعض انا بقيت خايف اموت هتعملوا فيا ايه عارف هتيعمل عليا حفلة غير طبيعية خايف اموت علشان اللى بتعملوه ده".

حب الناس لصالح سليم

وتابع: "انت فارق معاك ايه ان اخت هشام سليم كانت بتكلمه قبل ما يموت ولا لأ؟ هو انت شوفت ان اخوه مصلاش عليه؟ ولو مصلاش انت مالك، ده راجل كان حبيبكم وابن صالح سليم وراجل محترم وعائلته محترم وحبايبكم كلكم".

 

خوف عمرو أديب من الموت

وأضاف:"لو سمحتم لما أموت قولوا الله يرحمه وبس وانا عارف اللى هيتعمل معايا هيتعمل معايا واجب انا عارف بس تولعوا، يا عالم يا ظلمة يا اللى مبترحموش حد دا الميت في ايدين الرحمن الرحيم، واتقوا الله وخلوا عندكم رحمة، ليه بقينا قتلة بننهش في لحم الناس وهي ميتة، التوحش ده جاء منين؟".