أول تعليق من عايدة رياض بعد انتقادها بسبب احتفالها بعيد الأضحى
عبرت الفنانة عايدة رياض، عن دهشتها واستيائها بسبب تعرضها للعديد من الانتقادات بسبب احتفالها بعيد الأضحى وهي مسيحية.
وتحدثت الفنانة عايدة رياض عن طقوسها في عيد الأضحى، وكيف تحتفل مع أصدقائها المسلمين، مؤكدة أنه لا يوجد فرق بين المسيحي والمسلم في مصر.
وكتبت عايدة رياض، عبر حسابها على موقع التواصل الاجتماعي "انستجرام": مسيحية وبحتفل بعيد الأضحى، أنا مش شايفة أن الموضوع كان مستاهل كل الضجة دي إطلاقًا.. كوني مسيحية وبشارك في الاضاحي وباكل فتة وبنعيش أجواء العيد مع بعض ودي حاجة مش بتقلل مني أول حتى بتثير الجدل بالعكس ده شيء محمود جدا.
وتابعت عايدة: الذبح عموما موجود في كل الأديان السماوية وموجود في ديانتنا وبنشترك كلنا وبنضحي وبنتجمع كالعادة وخلي اللي يتكلم يتكلم وأنا متعودة على كدا من زمان، وعمر ما حد كان بيسأل على ديانة حد.. الدين لله والوطن للجميع وكلنا في الأخر مصريين إخوات وأهل وصحاب وأحبة ومفيش فرق بينا إطلاقا.. ولما حد كان بيتكلم كلمة مش كويسة عن الإسلام كنت بطلع أرد بنفسي لأننا واحد يا جماعة مفيش فرق بينا.
وأضافت عايدة: نتشارك والوطن اللي بيجمعنا على المحبة والود وطول عمرنا إيد واحدة وهنفضل إيد واحدة ويقول غير كدا دول ناس فاضية وأنا مش عايزة أدخل في جدل مع حد من دول، يا رب دايما متجمعين في الخير ودايما إخوات وأهل وصحاب وجيران وحبايب ودايما إيد واحدة وربنا يخلينا لبعض.
ويعد مسلسل اللي ملوش كبير، آخر أعمال عايدة رياض الذي شاركت به ضمن موسم رمضان 2021، ومن بطولة الفنانة ياسمين عبد العزيز وأحمد العوضي، وخالد الصاوي، والمسلسل تأليف عمرو محمود ياسين، وإخراج مصطفى فكري.
وتعد الفنانة عايدة رياض واحدة من أهم نجمات جيلها، حيث شاركت في العديد من الأعمال الفنية الناجحة، منها فيلم اللعب مع الكبار، البريء، الكيت كات، عائلة الحاج متولي.
اقرأ المزيد.. عايدة رياض: «لو هرتبط هاخد واحد أصغر مني»
